امير توغرول كيمليك كارتيني آلا بيلدي
حسن ع. ، سگگيز گونلوك امير توغرول'ون آتاسي، دئيير:
«تئهران ثبت احوال ايداره سينده چوخلو چاليشما و هابئله تارتيشمادان سونرا، 8 گونلوك اوغلوما امير توغرول آديني رسمن آلا بيلديم. اينشاللاه اوغورلو اولسون، توغرول به يه اوخشار اولسون!»
آرتيرمالييق كي بو كؤرپه تورك اوشاقين آدي توغرول بي سلجوقلو ايله آداشدير. بو آد او زامان سئچيليبدير كي اينديلر ايران'ين تئلئويزييونو موختليف گولونج وئرليشلرده، توغرول به يين آديني تحقير ائتمك ايله مشغولدور.
توغرول بي، بؤيوك سلجوغلو ايمپيراتورلوغونو قوروبدور.
توركاز: بيز يوردوموزون بو كؤرپه بالاسينا شن ياشاييش، حسرتلي بيز و بيزيم بالالاريميز كيمي اؤزگه ديلينده درس اوخوماق يوخ، بلكه اؤز دوغما آنا تورك ديلينده تحصيل آپارماق آرزولاييب اونون غئيرتلي آتاسي حسن به يه ده ساغ اوللار دئييب و اؤز گووه نجيميزي اونا بيلديره ره ك بير شئعري ده يابانجي فارس يوخسا عرب آديني ايسته مه دن اوستلرينده داشييب آنجاق اؤزلوكلريني ايتيرمه يه ن غئيرتلي تورك بالالارينا سونوروق:
فارسجا قويولسا دا آدي
توركدور ائله تورك اؤولادي
اؤگئي آدلا چاغريلسا دا
اؤزلويونو اونوتمادي
posted by Mehran Baharlı @ 10:30 AM
0 comments
0 Comments:
Post a Comment
<< Home