Thursday, September 06, 2007



ايراندا تورک سؤزلري نين بعضي ايجتيماعي يئرلرده ايشلنمه سينه قاداغا قويولدو

ايرانين تيجارت ناظیرليگي نين شرقي آذربايجان ايداره سي ويلايتده دوکان تابلولاري، ويترينلر، ارزاق ماللاري، يئرلي ايستحصالات و رئکلاملاردا تورک سؤزلري نين ايشله ديلمه سيني ياساق ائديب. بايباک خبر سايتي بو حؤکم هاقدا ياييلان سندلردن بيريني درج ائديب

تيجارت ناظیرليگي بو حؤکمو آوقوستون 19-دا وئريب. ايراندا ايسلام اينقيلابيندان سونرا آوروپا منشه لي آدلار ياساق ائديلسه ده، آذربايجان ويلايتلرينده دوکان و منطقه ده ايستحصال ائديلن ماللار اوچون تورک آدلاري نين ايشله ديلمه سينه ايمکان يارانميشدي. عئيني زاماندا آنا ديلي و ميللي ديرلرينه حؤرمتله ياناشين آذربايجانلي دوکان صاحیبلري «کوروغلو»، «بابک» و «ستتار خان» کيمي آدلاردان داها چوخ ايستيفاده ائديرلر. لاکين، بو آدلارين لاتين اليفباسيندا يازيلماسينا ايجازه وئريلميردي.

سون بير نئچه ايلده ايسه بو کيمي آدلاري داشييان دوکان صاحیبلري «پانتورکيزم» ايتتيهامي ايله تعقيب ائديلير، يئني ايستحصالات، دوکان و حتّی بعضي حاللاردا اؤولادلارينا آذربايجان آدلاري سئچمک ايسته ينلره وثيقه وئريلمير.

ايراندا تورک سؤزلري نين قاداغان ائديلمه سينه داير سون حؤکم آنا ديلينده مکتبلرين آچيلماسي طلبي ايله يئني آکسييالارا حاضيرليق گؤرولدويو واختا تصادوف ائدير. 1- مئهر ايراندا يئني درس ايلي نين آچيليشييلا علاقه دار آذربايجان فعاللاري آنا ديلي نين تدريسيني طلب ائدن آکسييالارين کئچيريلمه سينه حاضيرلاشيرلار.

Yazilibdir 1386-6-12 ~ 2007-09-03 19:02:31 (GTM +03:30)

0 Comments:

Post a Comment

<< Home