Thursday, March 20, 2008

«ملیک‌کندی»نین قوندارما آدی اولان ملکان‌ی ایشلتمه‌یک!



«ملیک‌کندی»نین قوندارما آدی اولان ملکان‌ی ایشلتمه‌یک!

آزربایجانیمیزین قوتسال و تاریخی آدلارینین دگیشدیریلمه‌سی، کولتورل سویقیریمیمیزین(ژنوساید فرهنگی) بیر بؤلومودور. دوشمانلاریمیز بو ایگرنج و پیس ایشی، رسمی اولاراق “فارس دیلی آکادئمیسی(فرهنگستان زبان فارسی)” الی ایله گؤرورلر.

گونئی آزربایجان‌ین ان اؤنملی بؤلگه‌لریندن ساییلان ملیک‌کندی بؤلگه‌سینین تاریخی و دوغرو آدی ملیک‌کندی‌دیر. بو کیچیک و یاشیل تورپاغیمیز، ایران آدلانان اؤلکه‌نین ایللیک 7% اوزومونو اوره‌تمکده‌دیر.

تأسسوفله بو بؤلگه‌نین گؤزل و تاریخی آدی، “فارس دیلی آکادئمیسی(فرهنگستان زبان فارسی)” طرفیندن، فارسلاشدیریلاراق، قوندارما “ملکان” آدی ایله دگیشدیریلمیشدیر.

قوشاچای، لئیلان، ملیککندی، بیناب و ماراغا شهرلریمیز، بیرینجی و ایکینجی «بالباس گلدی»(عیراق و عیراق سینیری کوردلرینین بالباس آدلی کورد طایفاسی باشچیلیغی و نقشبندی شئیخلرینین تحریکی ایله خالقیمیزا وحشیجه سالدیرمالاری) اولایلاریندا ان چوخ ایگیدلیک و قهرمانلیغی گؤسترمیشلر.

بالباس اوردوسو بیناب ایله ملیک‌کندی آراسیندا، قارا چوبوق(قره چپق) و خانا بره(خانه برق) ده یئنیلگیییه اوغرامیش، توفارقانین ماماغان‌ینا قدر گئدیب چیخان بالباس فیتنه‌سی‌ آرادان قالدیریلمیشدیر.

ملیک‌کندی ملیکلر و قهرمانلار یوردودور. ملیک‌کندی‌ینین ملیک کندی اولماسینی اونوتمایاق!!

0 Comments:

Post a Comment

<< Home